Les på bokmål her>>>

Sommaren står framfor oss, og er ei avkopling frå skulekvardagen. Ei utfordring er at barn gløymer eller misser deler av det dei har lært om dei ikkje blir engasjert i lærande aktivitetar gjennom sommaren. Her gir vi deg nokre tips om korleis du kan legge til rette for ein lærande sommarferie.

Her er nokre forslag som kan fremje utviklinga i ferien. Du kan også gjerne kommunisere med lærarar og høyre om dei har forslag til læringsaktivitetar

·         Oppretthald rutinar og struktur
·         Set mål og lag utfordringar
·         Forstå barna sine interesser
·         Lag læringserfaringar
·         Engasjer barna i kreative aktivitetar
·         Set rammer og ver tydeleg på at du har forventningar
 

Det treng ikkje vere dyre aktivitetar. Det kan vere at det i din kommune er organisasjonar, skular og bedrifter som har tilbod med læringsfokus i sommarferien. Elles kan det anbefalast ein tur til biblioteket – dette er ein flott og gratis ressurs, finn bøker som passar til ditt barn og set av tid til lesing kvar dag. Lesetips kan du finne i denne Foreldrepulsen>>>

Fleire forslag:

Utforsk og lær. Dersom du er på biltur så vel ein stad med eit tema for læring. Å reise på telttur/campingtur kostar lite og her er eit godt høve til å lære om naturen.

Gje matematikk meining. Mål objekt rundt huset og i nærområdet. Sjekk temperatur dagleg. Legg saman eller trekk frå beløp når du handlar. Lær brøk når du lagar mat. Meir om matematikk i kvardagen kan du finne i denne Foreldrepulsen>>>

 Tips. Det ligg mykje fokus og læring i veret. Inspirer barnet til å lage ein verstasjon – sjå korleis her>>>

 Leik ute. Skru av TV og elektroniske spel og prøv heller å organisere fysiske aktivitetar utandørs.

 Bidra i lokalsamfunnet. Vis korleis ein kan delta i nærmiljøet; ver med på å rydde i parkar, hjelpe eldre osv. Dette byggjer opp omtanke for andre og stoltheit over eige lokalsamfunn.

 Lag timeplan. Ha daglege rutinar gjennom sommaren med struktur og avgrensingar. Nøkkelen er både å ha balanse (ikkje for streng, men ikkje før laus) og å halde barna engasjerte.

 Førebu hausten. Finn ut kva barnet skal lære om i neste skuleår – og begynn å øve på dette.

 Fokuser på kommunikasjon. Få barnet til å diskutere eller skrive om bøker han/ho les eller at dei lagar ei oversikt over favoritthendingar  og aktivitetar gjennom sommaren.

 Dra fordel av lokale tilbod. Reis til parkar, museum, dyreparkar og friluftsområde.

 Lek inne. Sjølv om mange ser på spel som tidsfordriv og underhaldning, har mange spel «skjulte» kvalitetar. Det kan handle om å lære seg å samarbeide, kommunisere, konsentrere seg og å få utløp for kreativitet og utforsking.