Å utvikle heile mennesket

Nemninga praktiske og estetiske fag i skulen vert nytta om faga musikk, mat og helse, kroppsøving og kunst og handverk.

Motivasjon og meistring

Mange barn likar godt å jobbe med dei praktiske og estetiske faga. I Elevundersøkinga oppgjev elevane på ungdomstrinnet at kroppsøving og kunst og handverk er dei faga dei likar best. Det tyder at opplevinga av motivasjon, inspirasjon og meistring er stor. Denne kjensla er av stor verdi for elevane si oppleving av skulekvardagen, og kan ha overføringsverdi til andre område.

Dei estetiske faga sin verdi for læring

Det er ein sterk samanheng mellom høg kvalitet på undervisninga i dei estetiske faga, og elevane sine resultat i til dømes språk og lesing. Kunst og kultur i skulen gjer elevane meir oppfinnsame, styrkjer motivasjonen og auker sosial og kulturell kompetanse, innovasjon og skaparevne. Musikk kan nyttast for å styrkje hukommelse og merksemd. Ein medveten bruk av musikk i opplæringa kan dermed vere veldig effektiv.

Kunstfaga sin eigenverdi

Kunst og kultur har stor eigenverdi, og estetiske fag skal difor ha ein sentral plass i skulen. Skulen er kulturberar og ein kulturarena, og den skal opne dører til meir og ny kunnskap. Kunst- og kulturopplevingar er verdfull for den einskilde elev si personlege utvikling og livskvalitet. Opplæring i praktiske og estetiske fag er viktige verkemiddel for å skape kulturell forståing og toleranse.

Kjelder: Musikk i skolen, KD Udir, Kunstkultursenteret.no